Daou vloaz goude ar mega-tan-gwall n’eo ket mui al liv zu a-us pep lec’h. Al liv glas en doa kemeret e wirioù en-dro da gentañ. Ouzhpenn al liv-se e oa deut da c’houde orañjez ar man-taouarc’h.
Bremañ e vez kavet brulu, brug, kaol-gaol, kentauriad, bleunioù roz ha glazruz, louzeier bras ha bleunioù melen all, bleunioù gwenn pe glas en tachennoù geotenneg. Eno e weler ivez amprevaned o nijal, gwenaned ha balafenned.
Sellout meur a skeudennoù amañ
Tu ‘m eus bet da eskemm disadorn gant Alan Stivell diwar-benn un arvest ba Gelveneg er bloavezh 1969 e gastell Kergoz. Ar wech kentañ din pa ‘m oa pemzek bloaz da evañ ur banne chouchenn, paeet gant Alan. Kontet ‘m eus dezhañ ‘vez ag ar c’hanaouenn (pe ar gwerz) “Tri martolod yaouank” (30 pozioù) oa kanet er beilhadegoù gant va vamm-gozh-kuñv, Augustine Le Pavec, gwreg Alan ar Floc’h, paotr an houarn-gwenn er fritur Salles er Gelveneg. Marteze e oa bet krouet ar ganaouenn-mañ gant martoloded Lechiagad, ar pezh a soñj ivez Alan..
Création CL P avec l’aide de R.-Y. Creston (Ar Falz 1-1956) et Gilbert Collin, Pleon Pavenn
Cultur ‘envie, ur gevredigezh gouestlet d’ar sevenadur ‘neus kinniget un abadenn “sevel haiku” e galleg hag e brezhoneg e Plabenneg hiriv, heñchet gant Eliane Talabardon.
Bez eo an haiku ar barzhoneg bihanañ a zo er bed, met daoust dezhañ da vezañ berr n’eo ket dister evit-se.
An diskar-amzer eo, setu goude ur ur bourmenadenn eo bet lakaet war wel penaos skrivañ haiku gant gerioù lufret. Ur pennad barzhoniezh liammet gant an natur.
Setu amañ ar pezh ‘meus ijinet gant ur skeudenn bewech:
Hag unan all:
Hag unan ouzhpenn :
E-pad an hañv, lakaet eo bet tan ifern ar Yeun Elez e Menez Arez gant Paolig Korneg. Sellit amañ ar pezh a chom bremañ.
Ret e vo gortoz bloavezhioù ha bloavezhioù, met spi ‘zo : glaz ‘vez gwelet adarre …
